Refráns:
A castaña en agosto arder e en setembro beber
Sempre un porco ruín ha atopar boa castaña
Peticións ao cu, castañas ao cesto
Quen non te maña non come castaña
Castañas collidas, vellas ao souto!
Se non se ven os ourizos
entre S. Antón e o S. Xoán
as castañas aló van
Por San Martiño, castañas e viño.
Adiviñas
Alto me vexo
no meu capelexo,
soldadiños vexo vir
e non podo fuxir.
Altos padres,
capeludas madres,
fillos furafoles,
adiviña ti se podes.
Alto pico pote
vestido de xiringote,
cunha risada que botou
perdeu todo o que gañou.
Pínguele-Pínguele estaba pingando,
Fúnguele-Fúnguele estaba fungando.
Se Pínguele-Pínguele non pingaba,
Fúnguele-Fúnguele non fungaba.
Frases feitas
Frases feitas
Auga de castañas : Café frouxo.
Sacarlle ( a alguén) as castañas do lume: Axudalo para saír dunha situación comprometida.
Saír dun souto e meterse noutro: Solucionar un problema e meterse noutro
Facer un bo magosto: Facer un bo negocio
