Xogamos co Samaín

Pica na imaxe e iniciarás o xogo que se che propón.

Se consegues contestar as preguntas completarás un crebacabezas relacionado coa festa. 

Ánimo !

É tempo de calacús

Andamos no tempo do Samaín, tempo no que corresponde baleirar algunhas cabazas e facer con elas a representación dunha oca caveira na que posteriormente se introduce unha candea acesa para colocala, escurecido o día, ben nos camiños, no peitoril das ventás, nas encrucilladas ou en calquera outra parte que sexa visible.

Sabemos de persoas de moita idade que lembran nos anos trinta e corenta do século pasado como, en lugares tan afastados entre si como Marín (Pontevedra) e Cangas de Foz (Lugo), con pequenas variantes, celebraban na noite do 31 de outubro este rito. Mesmo en ocasións colocábase a cabaza coa correspondente candea, diante da porta da casa da rapaza que era pretendida.

Non se sabe con seguridade a orixe desta celebración, pero é innegable a relación coa tradición dos pobos célticos que nesta data realizaban diferentes rituais que con pequenas modificacións chegaron ata os nosos días. 

Agora lida esta entrada e visto o vídeo xa estás en condicións de afrontar o rosco que tes na parte superior dereita do blog. Sorte!

Unha historia de medo

Aquí tedes unha adaptación dunha historia recollida por "Galicia Encantada"  e que fala dun sucedido ocorrido hai xa tempo no Vilar das Ameixeiras, lugar da provincia da Coruña. Se queredes ler máis contos de medo a páxina de Galicia encantada é unha boa visita. Dicirvos que está coordinada --a páxina-- por un coñecido voso: Antón Reigosa.

O relevo terrestre

O relevo terrestre

View more presentations or Upload your own.

Os fusos horarios

As zonas horarias ou fusos horarios son cada unha das vinte e catro áreas en que se divide a  Terra e que seguen a mesma definición de tempo.
Neste enlace podes entender mellor do que falamos . Podes observar como, se imos cara o leste a hora vai medrando, porén se nos desprazamos cara o oeste as horas vanse retrasando
Aquí tes un planisferio no que aparece a hora actual nos diferentes puntos do mundo  

E para que non perdas o avión, ou saibas a que hora é prudente chamar a outra persoa dun país afastado do noso, aquí tes un mapa que che dirá con exactitude a hora que é en calquera lugar do mundo.
Por último, aquí verás onde xa é noite e onde comeza ser día

Coordenadas xeográficas (repasa)

Aquí tes un planisferio onde podes practicar os teus coñecementos sobre as coordenadas xeográficas.

As coordenadas xeográficas

Imos ver se xa sabemos manexar as coordenadas xeográficas para localizar diferentes lugares do planeta Terra.

En 1º lugar debes lembrar algúns conceptos:

Paralelos: Liñas paralelas ao Ecuador ( lembra que por ser paralelas nunca se tocarán)

Meridianos: Liñas que percorren de norte a sur o planeta e que pasan polos polos.

Tendo en conta o anterior recorda que:

A latitude é a distancia dun punto ao Ecuador. Pode ser Norte  - se está por riba  do Ecuador-- ou  Sur --se o punto está por baixo do Ecuador--

A lonxitude é a distancia dun punto ao meridiano de Greenwich. Pode ser Oeste --se está á esquerda do meridiano de Greenwich--  ou Leste --se está á dereita--

Agora preme aquí e fai esta actividade -- podedes facela en conxunto--
Para realizala debes arrastrar as coordenadas á cidade correspondente.

Os meridianos

Os meridianos son semicírculos (perpendiculares ao Ecuador) que pasan polos polos.

O máis importante é o meridiano de Greenwich

Permítennos saber a lonxitude de calquera punto da Terra.

Os paralelos

Xa sabemos que os paralelos son liñas imaxinarias, paralelas ao Ecuador.

Os máis importantes teñen nome propio.

Se premes aquí terás unha actividade para colocar cada paralelo no seu lugar correspondente. Ánimo!

Letras Galegas 2016

Como todos os anos, este 17 de maio celebramos o Día das Letras Galegas, neste caso dedicado ao coñecido como Poeta da Terra Chá, Manuel María.
Aquí tedes unhs serie de enlaces nos que poderedes acceder a unha completa información sobre a vida e obra do homenaxeado.

Día das Letras Galegas

Casa Museo de Manuel María

Máis sobre Manuel María

Pero primeiro vemos este vídeo

Nestoutro enlace tedes acceso ao pdf que deberedes descargar e ir realizando as tarefas que nel se vos propoñen.
Realizadas as tarefas anteriores, agora como remate preme aquíhttp://primaveradasletras.gal/carne-de-identidade/ e realiza a actividade proposta.

Aprendemos o básico para traballar cunha imaxe

Ben sabedes que as imaxes na rede podemos presentalas con maior ou menor tamaño, podemos recortalas, reducirlles o seu peso,...

Nós para manexar as imaxes imos aprender unhas nocións básicas sobre o uso do programa GIMP.

Neste enlace terás acceso ao titorial do que podes botar man en caso necesario. 

Presentacións con LibreOffice Impress

Todos e todas sabemos o que é unha presentación e seguramente xa teredes feito algunha para algunha área de coñecemento.

Aquí imos ver polo miúdo como crear unha presentación para despois facer o traballo desta avaliación para a área de "Friol: un proxecto".

Neste enlace terás toda a información que necesites cando teñas algunha dúbida.

Serás quen de resolver este enigma?

Fíxate na ilustración e trata de responder: 
En que praza do aparcadoiro está situado o automóbil ?
Se o sabes mándalle un correo ao profesor.
En Asunto pon "Enigma"
Na caixa de correo coma sempre
Ola:
Mándoche a solución que é:______
Un saúdo

Catro irmáns

Duarte, Xerardo, Antía e Daniela son catro irmáns. Cada un naceu nunha provincia galega diferente, teñen unha profesión distinta e na actualidade viven en tres concellos distintos da provincia de Lugo.

Tendo en conta os seguintes datos:

• A avogada naceu na Coruña 
• Daniela é empresaria 
• O que naceu en Ourense é médico 
• O mestre vive no mesmo concello que a empresaria 
• Xerardo vive en Ribadeo ( Lugo) 
• O que vive en Friol ( Lugo) é mestre 
• A empresaria naceu en Lugo 
• O primeiro dos irmáns citados naceu en Pontevedra 
• Antía vive en Guitiriz (Lugo) 
• O que cura enfermidades vive en Ribadeo (Lugo) 
• O que vive no mesmo concello que a empresaria chámase Duarte 
• Na Coruña naceu Antía

Pódeste axudar dun cadro semellante a este: 

 
Agora preme neste enlace e cos datos que aquí se che facilitan completa o cuestionario

Entroido (V)

En pleno desfile! 

Entroido no cole (IV)

Con perrucas divertidas

e con cores rechamantes

as Pipis da nosa clase

dispostas a dar o cante.

Entroido ( III )

E aquí vedes a parella

que deste conto nos falta:

O pai da Pippi a cabalo

do cabalo da rapaza.

Entroido no colexio (II)

Agora tócalle aos monos:

Din que o fixeron moi ben,

que para facer o mono 

tiñan de quen aprender.

Entroido no colexio

Déixovos aquí algunha fotografía da festa do Entroido do centro. 

Fixádevos nestas mozas:

van de Pipis Calzaslargas...

As medias de moita cor 

e as coletas reviradas.

Texto elaborado polo alumnado de 1º para a celebración do Día da paz

Falamos da paz como ausencia de guerra, 

e que a paz é o camiño cara un mundo mellor. 

Mais a paz é respecto, é axuda sincera, 

é traballo en conxunto, é colaboración … 

Se cres que un insulto fai máis dano ca unha puñada, 

se entendes que o respecto é a arma do futuro, 

se escoitas e perdoas, 

se cres que a amizade é fonte de riqueza, 

se compartes cos demais as túas alegrías e as túas tristezas, 

se fala un compañeiro e lle prestas atención, 

se diante dun mal xesto regalas boa cara… 

Estaremos dicindo en silencio e ben alto: 

Non queremos violencia, preferimos o amor. 

E coas mans ben unidas, sexan brancas ou negras, 

seguro que entre todos e todas 

conseguiremos facer un mundo mellor

Sopa de letras

Día da Non Violencia e da Paz

Dia mundial da non violencia e da paz

E colorín colorado...

Xa se achegan as vacacións!

Felices festas!